Мақала авторы

Гульжан Мустафина

Қостанай облысы әкімдігі білім басқармасының «Боровской облыстық санаторлық мектеп-интернаты» КММ

Заманауи білім беру жағдайында оқу-тәрбие процесінде сандық білім беру ресурстарын тиімді пайдалану.

Білім беру жүйесінің дамуы жаңа кезеңі алдымызға жаңа міндеттер қояды. Ол - педагогтарды компьютерлік техниканы меңгеруге оқыту. Сондықтан бүгінгі таңда компьютерді игеру жеткіліксіз, оқу процесінде ақпараттық ресурстарды пайдалана отырып, оқытушы өзінің білім беру модулін, өзінің оқу бағдарламасын құра білуі, мамандандырылған әдістемелерді меңгеруі тиіс. Қазіргі уақытта ақпараттық-білім беру ортасы шеңберіндегі мұғалімдердің қызметінде, компьютерді қолданудың алты кезеңге бөліп қарастыруға болады. Алғашқы сатысы- мұғалім компьютерді «жазу машинасы» ретінде игереді және қолданады. Екінші кезеңі- мұғалім кеңсе бағдарламаларының пакетімен, олардың мүмкіндіктерімен танысады, өз қызметінде CD-дискілерді қолданудың қарапайым дағдыларын игерді. Үшінші кезең - ғаламаторға қосылу және шығу мүмкіндігімен тығыз байланысты, яғни желіде жұмыс істейді. Төртінші кезең - жаңа ақпараттық технологиялар дәстүрлі сабақтың құрылымына біртіндеп енгізіліп, оның ажырамас бөлігіне айналып отыр. Бесінші сатысы - жинақталған дидактикалық тәжірибені жүйелеуі және жаңғыртуы. Алтыншы сатысы- мұғалімдердің өз іс тәжірбиесін жинақтап, сандық білім беру ресурстарын жасауы. Осыған байланысты, біздің мектеп-интернатымызда сан-алуан іс-шаралар өткізіліп тұрады. Атап айтсақ: үстіміздегі жылдың қаңтар айында мектебімізде «IT-құралдарды тиімді пайдалану» атты шеберлік сыныбы өткізілді. Аталған іс- шарада жаттықтырушылар: Google диск, Kahoot, Pointer Stick сынды қосымшаларда қалай жұмыс жасау керектігін көрсетті. Мұғалімдер топтарға бөлініп, іс жүзінде құжаттар мен презентация, кестелер мен формаларды Jamboard бағдарламасы арқылы кері байланыс жіберді. Бүгінгі таңда алынған дағдыларды жетілдіру мен тиімді қолдануда жүйелі жұмыс жалғастырылуда. Сәуір айында бекітілген жоспар бойынша «Эрудит» қашықтық зияткерлік ойыны өтті. Аталған іс- шараның мақсаты: түрлі пәндерді оқуға қызығушылықты өзектендіру және оқушылардың шығармашылық әлеуетін іске асыруда сандық технологияны тиімді қолдана білу машығын арттыру. Ойын Online Test Pad конструкторының негізінде жасалды. Барлық қатысушылар — 30, оның ішінде 1 орын — 6, 2 орын — 5, 3 орын — 4. Әрбір қатысушы ойын аяқталғаннан кейін өз сертификаттарын жеке жүктеу мүмкіндігіне ие болды. Мектебімізде ҚР Тәуелсіздігінің 30 жалдығызына арналған «Менің елім, менің жерім!» тақырыптық жоспарға сәйкес «Мектеп педагогтарының ІТ –сауаттылығы» атта аудандық семинар- практикум өткізілді. Семинардың мақсаты - оқу- тәрбие үрдісінде сандық ресурстар мен бағдарламалық құралдарды пайдалану бойынша тәжірибе алмасу. Аталған семинар- практикум АКТны замануи мұғалімнің жұмыс тәжірбиесіне енгізу мен педагогикалық білім беру әдістерін жетілдіруге, тәжірибе алмасуға және оқытудың шығармашылық тәсіліне үлкен мүмкіндіктер ашты. Семинарға Меңдіқара ауданының пән мұғалімдері қатысты. Мектеп мұғалімдері замануи сабақта қолдануға арналған LearningApps.org онлайн – серсис қадамдық нұсқаулығымен таныстырды, оқушыларды бағалау кезінде Googlt Form құралдарын орынды қолданды. Online Test Pad онлайн конструкторының көмегімен материалды бекіту бойынша сабаққа тест дайындау жолдары көрсетілді. Сондай –ақ , уақытты үнемдейтін тапсырмаларды тексеруге арналған құрал – ZipGrade қосымшасы тиімді қолданылды. Семинарға қатысушылар аталған қосымшадан оқушылардың басым бөлігін қамтуға және жауаптарын бірден тексеруге, жіберілген олқылықтарын қолма- қол көру мүмкіндігіне ие болды. Сонымен, сандық білім беру ресурстары білім беру бағдарламалық өнімі ретінде нені білдіреді? Олардың артықшылықтары қандай? Сандық білім беру ресурсы - сандық нысанда сақталатын және берілетін ақпараттық білім беру ресурсы. Сандық білім беру ресурстарының міндеттері 1. Мұғалімге сабаққа дайындалуға көмектесу: - жеке сандық нысандардан сабақты модельдеу; - қосымша және анықтамалық ақпараттың көп мөлшеріне қол жеткізу; - тақырып туралы білімді тереңдету; - сандық білім беру ресурстары жиынтығындағы ақпаратты тиімді іздеу; - бақылау және өзіндік жұмыстарды дайындау; - шығармашылық тапсырмаларды дайындау; - сандық нысандарға байланысты сабақ жоспарларын әзірлеу. 2. Сабақ өткізу кезінде мұғалімге көмек: - мультимедиялық проектор арқылы дайындалған сандық нысандарды көрсету; - фронтальды зертханалық жұмыстар режимінде виртуалды зертханалар мен интерактивті теру модельдерін пайдалану; - оқушыларды компьютерлік тестілеу және білімді бағалауға көмектесу; - сабақта сандық білім беру ресурстарымен оқушылардың жеке зерттеу және шығармашылық жұмысын шыңдау. 3. Оқушыларға үй тапсырмасын дайындауға көмектесу: - материалды ұсынудың жаңа формасы есебінен пәнге деген қызығушылығын арттыру; - кез-келген ыңғайлы уақытта өзін-өзі бақылау қамтамасыздандыру; - олардың пәндік, шығармашылық әлеуетін дамыту; - тақырыпты игерудің таңдалған деңгейінде оқуды ұйымдастыруға көмектесу; - заманауи ақпараттық технологияларды меңгеру және олармен тұрақты жұмыс істеу қажеттілігін қалыптастыру. Сандық білім беру ресурсын оқушының жұмысына орай ажыратамыз. • Демонстрациялық сандық білім беру ресурстары (оқушы-бақылаушы) • Интербелсенді (оқушы сценарийді көруге ғана емес, өзгертуге де мүмкіндік алады) Білім беру-әдістемелік функциялары бойынша сандық білім беру ресурстарының түрлері • Электрондық оқулықтар • Электрондық оқу құралдары • Электрондық оқу-әдістемелік кешендер (ОӘК) • Электрондық бақылау басылымдары Сандық білім беру ресурстарын ақпарат түрі бойынша жіктеу • Мәтіндік ақпараты бар сандық білім беру ресурстары; • Көрнекі ақпараты бар сандық білім беру ресурстары; • Аралас ақпараты бар сандық білім беру ресурстары; • Аудио және бейне ақпараты бар сандық білім беру ресурстары; • Интербелсенді модельдер; • Күрделі құрылымы бар сандық білім беру ресурстары. Сандық білім беру ресурсын қолдануда қойылатын талаптар: • оқытудың заманауи мақсаттарына бағдарлануы тиіс, • пәндік саладағы заманауи ғылыми идеяларға сәйкес келуі тиіс, • білім беру мазмұнының сабақтастығын қамтамасыз етуі тиіс, • оқыту процесін ұйымдастыруда заманауи нысандар мен әдістеріне сәйкес келуі тиіс, • жас және психологиялық ерекшеліктеріне сәйкес келуі тиіс, • оқу жүктемесінің оңтайлы көлемін қамтуы тиіс, • пәнаралық байланысты қамтамасыз етуі тиіс, Сандық білім беру ресурсын бағалау критерийлері • Оқытуды саралау және даралау мүмкіндігі; • Рәсімдеудегі стильдің бірлігі; • Интербелсенділік; • Графикалық нысандардың сапасы; • Мәтін сапасы (оқылым - яғни гарнитура, өлшем, стильдер; қате саны және т. б.); • Контент (сапасы мен бірегейлігі, логикасы мен дәйектілігі); • Модификациялау; • Көрнекілік; • Графиканы, аудио, бейне және т. б. қолданудың негізділігі (бар болса); • Ақпараттық көлемнің теңгерімділігі; • Ілеспе құжаттама; • Оқушылардың жас және психологиялық-педагогикалық ерекшеліктерін есепке алу.

  • 30

Бос мұғалімді іздеу...

Daryn.Online

Қосымшаны жүктеу
Жүктеу