Мақала авторы

Гульшат Кульбаева

Акмолинская обл, Атбасарский район, г.Атбасар КГУ "Казахская общеобразовательная школа № 7"

Эссе Елбасы сенімі - ел сенімі

Эссе 

Елбасы сенімі - ел сенімі 
«Рухани жаңғыру – табысты ел болуымыздың кепілі» 

Н.Ә.Назарбаев 
Еліміз дамудың жаңа кезеңіне қадам басты.

Қазақ елі – егемен ел. Соның арқасында елдің өткен өміріне, ата-баба тарихына зерделей қарауға кеңінен бет бұрдық.  Қазақстанның жас ұрпағы үшін қашан да білімділіктің бастау бұлағы – ұлы­лардың рухани мұрасы, кемеңгер ақындардың әлем, адамзатжеке адам, қоғам, ұлт, адам­шылық негіздері жөніндегі данышпандық ойлары болып қала бермек.

Елдің ертеңі, ұлттың болашағы, алдыңғы толқынның ізбасары – жас ұрпаққа тиянақты білім беріп, тәлімді тәрбие үйреткен елдің ертеңі кемел, болашағы бүдірсіз түзу болмақ. Осыны тәуелсіздік алғаннан бері бірінші кезекке шығарып, жас ұрпаққа бар мүмкіндікті жасап келе жатқан Қазақ елінің Тұңғыш Президенті Нұрсұлтан Әбішұлы Назарбаевтың «Болашаққа бағдар: рухани жаңғыру» бағдарламалық мақаласынан байқадық. Бұл – тәуелсіз еліміздің бақытты болашағы мен алаңсыз келешегі үшін жасалып жатқан жұмыс. Өйткені, рухани байлықтың кемел болғаны бұл жеке азаматтарымыз үшін де, әрбір жеке тұлғадан құралған қоғам, туған еліміз үшін де өте маңызды үдеріс.

Мәңгілік  ел – өткенімізден  сабақ ала отырып, болашағымызды баянды ету жолындағы мұратымыз. Тәуелсіздікке қол жеткізгеннен гөрі, оны ұстап тұру әлдеқайда қиын. Бұл - әлем кеңістігіндегі ғұмыр кешкен талай халықтың басынан өткен тарихи шындық. Біз өзгенің қателігінен, өткеннің тағылымынан сабақ ала білуге тиіспіз. Ол сабақтың түйіні біреу ғана – Мәңгілік Ел біздің өз қолымызда. Ол үшін өзімізді үнемі қамшылап, ұдайы алға ұмтылуымыз керек. Байлығымыз да, бақытымыз да болған Мәңгілік Тәуелсіздігімізді көздің қарашығындай сақтай білуіміз керек. Елбасы Жолдауында айтылған осы бір сөздер әрбір саналы азаматтың жанын тербері сөзсіз. Ел мен тіл егіз ұғым. Мәңгілік сөзі бабалардан мирас болып келе жатқан мәңгі өлмейтін асыл қазынамыздың бірі - ана тілімен де тығыз байланысты. Олай болса, мәңгілік елдің онымен қатар жасап, бірге дамитын мәңгілік тілі болуы да шарт. Ол- мемлекеттік тілі – қазақ тілі. Мемлекеттік тілді дамыту жөніндегі кешенді шараларды жүзеге асыру елімізде табандылықпен жалғасып келеді. Олай болса, ана тілімізді- мәңгілік тіл ету өз қолымызда. Алға қойған ұлы мақсаттар бар, ертеңіне сеніммен қарайтын, жастары алғыр, жаңалыққа жаны құштар, рухы биік ел ғана мәңгілік ел болып ғасырлар бойы жасайды. Олай болса Елбасы салған сара жолдан таймайық, елдігіміз бен туған тіліміз мәңгілік жасай берсін! 

Ұлттық мейрамға айналған – Тұңғыш Президент күні. 
Бұл күн - біздің өз тағдырымызды өзіміз айқындауымызға алғашқы нақты қадам жасаған мемлекеттің мерейлі күні.Ұлт көшбасшысы сындарлы шақта бірлік пен елдікті, татулық пен достықты ту етіп, тәуелсіздікті баянды, егемендікті еңселі ете білді.Нұрсұлтан Әбішұлының еңбегі мен көреген саясатының арқасында ғасырда жасалар істер қысқа мерзімде жүзеге асты. 

Басқарудың президенттік формасы мен тәуелсіздіктің тәжірибесі біздің ел үшін 
тиімді болып, ішкі және сыртқы саясаттың негізгі бағыттарын айқындауға мүмкіндік берді.Қазақ елінің тәуелсіздік алғаннан бергі бағындырған шыңдары жетерлік. Тарих үшін қас-қағым сәт болғанымен, буыны енді беки бастаған ел әлемдік деңгейдегі алпауыттармен иық тірестіріп, тың бастамаларға ұйытқы бола алатындығын да паш етіп отыр. 

Бүгінде, Тәуелсіз еліміздің қол жеткізген барлық жетістіктері бірінші кезекте - Тұңғыш Президент есімімен тығыз байланысты.Қазіргі таңда барша әлем Қазақстанды Нұрсұлтан Әбішұлы Назарбаевтың дана әрі дара саясаты арқылы таниды десек артық айтқандық емес. 
Нұрсұлтан Назарбаевтың тәуелсіз мемлекеттің негізін қалаушы, оның бірлігін қамтамасыз етуші, ел Конституциясын, адам мен азаматтың құқы мен бостандығын қорғаушы ретіндегі рөлі негіз етіп алынған. Шын мәнінде, Елбасының елімізді аяғынан нық тұрғызып, әлемге танытудағы еңбегі орасан зор. Ауылы мен қаласы қатар өскен - қуатты Қазақстан! Бүгінде Қазақстан кемел ел, ынтымағы жарасқан мемлекетке айналды. Тарихта жеке адамның рөлін ешкім жоққа шығара алмайды. Н.Назарбаев уақытын безбендеп, заманын таныған, бо­ла­шақты болжаған ірі саясаткер. Елдің басшысы қандай болса, халқы сондай. Н.Назарбаев - еліне, еріне сенген ұлы тұлға! 

Тұңғыш Президент Нұрсұлтан Назарбаевтың еліне сіңген елеулі еңбегін - бүкіл Қазақстан халқының оған артқан зор сенімін ақтай білді. Тыңнан тірек салып, Қазақстан халқы, оның көшбасшысы Тәуелсіз мемлекеттің басым бағыттарын анықтап, нығайтты. Ең алдымен шынайы егемендікті жария етіп, сыртқы әлемге танылуымызға қол жеткізді. 

Әлем Қазақстанды Елбасының арқасында таныды, мойындады. Бүгінде Қазақстан кемел ел, ынтымағы жарасқан мемлекетке айналды.  

«Елбасы - біреу, халқы – тіреу» 

 

Орыс тілі пән мұғалімі ; Кульбаева Гүлшат Қадырқызы

 

 

Ақмола облысы

«Атбасар ауданының білім бөлімінің

Атбасар қаласы №7 қазақ орта мектебі» КММ

   Атбасар қаласы

 

 

 

 

 

 

 

 

 

Эссе:

Елбасы сенімі - ел сенімі 
 

 

 

 

 

 

 

 

Дайындаған: Кульбаева Г.К.

  • 27

Бос мұғалімді іздеу...

Daryn.Online

Қосымшаны жүктеу
Жүктеу