Мақала авторы

Гульзипа Увалиева

Шығыс Қазақстан облысы Өскемен қаласы Лев Гумилев атындағы №38 гимназия

"Мұғалімнің құндылығына" көзқарасым

«Мұғалімнің құндылығына» көзқарасым

Түсіндірме сөздікке жүгінсек, құндылық – объектінің жағымды немесе жағымсыз жақтарын білдіретін философиялық ұғым.

Мұғалім мамандығы қиындығы мен қызығы мол, жауапкершілікті мамандық. Қазіргі  мектепке жоғары кәсіби дайындығы бар мұғалім қажет. Ол мұғалімнің  білгір, білікті болуы, жауапкершілікті бірінші орынға қоя білуі әрбір ата-ана үшін маңызды. Мұғалім мектептегі басты құндылықтар оқушы мен мұғалім, олардың бірлескен еңбегі екенін айқын  түсінуі тиіс.  Мұғалім үшін,  ең алдымен, оның адамгершілік қасиеті басты нәрсе болып саналады.

 Оқушылар арасында жүргізілген  сауалнамалардағы кейбір цитаталарды келтіре кетейін.

Қазіргі мұғалім – ол:

-Мұғалім – мектептегі ең құнды, сондай-ақ баға жетпес қазына;

- Мұғалім оқушыларды жақсы көруі керек және міндетті түрде тіл табыса білуі қажет. Мұғалім әзілді түсіне білуі керек.

- Мұғалім өз оқушыларына үлгі болуы тиіс.

- Білім беретін мұғалім өзі жанып тұруы керек және өз пәніне барлық оқушының сүйіспеншілігін оятады;

- Мұғалім оқушы тұлғасын төмендетпейді;

- Сабырлы, өзінің теріс, жағымсыз эмоцияларын жасыра алады;

- Мұғалім материалды қызықтырып, қолжетімді түрде жеткізуі тиіс, оқытудың әдіс-тәсілдерін кезектеп беріп, жаңа түрлерін шығарып отыруы тиіс. Оқушыға өз әлеуетін көрсетуге мүмкіндік беріп отыруы қажет.

Әрбір ұстаз – ХХІ ғасыр мұғаліміне сай болу үшін – бір орында тұрмай, үнемі ізденіс үстінде болуы керек, сезімтал психолог, жан-жақты шебер, тынымсыз еңбекқор жан ғана мұғалім деген атқа кір келтірмейді, мәртебесіне күмән туғызбайды. Балалардың бойында адамгершілік қасиеттерді дамытуда мұғалімнің үлгісі мен әсер-ықпалы ерекше орын алады. Мұғалім мамандығына өмір сүру салты ретінде қарауы керек және оны толыққанды және барынша шығармашылықпен сүруі керек.

 Мұғалім – ұқыптылық пен парасаттылықтың, имандылық пен өнегеліліктің белгісі. Қазіргі мұғалімнің іс-әрекеті белгілі құқықтар мен міндеттерді орындаумен ұштастырылады. Оқушыларды биік өнегелік рухында тәрбиелеуге, ата-аналарын сыйлауға, ұлттық-мәдени құндылықтарды құрметтеуге, қоршаған ортаны сақтауға тәрбиелеуі тиіс, оқу-тәрбие процесіне экологияландыру ұстанымын енгізуі тиіс. Бұдан басқа, мұғалім оқушылардың бойында өмір сүру дағдыларын, құзыреттіліктерді, өз бетімен аяғында тұруды, шығармашылық қабілеттерін дамытуы тиіс, үнемі өзінің кәсіби шеберлігін шыңдап отыруы қажет. Мұғалім педагогикалық этика нормаларын сақтап, оқушылардың ата-аналарының абыройы мен намысын сыйлауы тиіс.

Қазақ халқы  әрқашан да ұстаз мәртебесін көтеріп, қастерлеп, аса жоғары бағалаған. Осыған орай ұлы Абайдың «Ұстаздық еткен жалықпас, Үйретуден балаға», «Адамның адамшылығы жақсы ұстаздан болады», – деген да сөздері бар.

Өзімізді өзіміз бағалай білуге бет бұру – ұлттық байлығымызды игеру, ұлттық санамызды дамыту. Ұстаз - Қазақстан мемлекетінің патриотын тәрбиелеудегі белсенді насихаттаушы,  рухани адамгершілікті,  жауапкершілікті қалыптастырушы.

Сондықтан елім деп еңірейтін, Отанын, халқын ең басты құндылық деп есептейтін ұлтжанды, патриот ұрпақ тәрбиелеуді – әрбір қазақстандық ұстаз менің мақсатым және міндетім деп қабылдауы тиіс.

 

  • 13

Бос мұғалімді іздеу...

Daryn.Online

Қосымшаны жүктеу
Жүктеу