Мақала авторы

Илана Чахчабаева

ҰБТ

1.ҰБТ деген не? «ҰБТ» дегеніміз – үлкен өмірге бастайтын баспалдақтың алғашқы сатысы. Кез келген он бір жылдық білімді тәмамдаушы талапкер «ҰБТ» атты маңызды сынақтан өтеді. Бірі міндетті пәндерден озық болса, енді біреулер бейінді пәндерде алға шығады.

Ұлттық бірыңғай тестілеу кезінде түлектер өзі армандаған мамандықтың пәніне дайындық жүргізіп, білімін сынға салады. Он бір жыл бойы қаланған іргетастың беріктігін тексеру үшін республикалық дәрежеде емтихан жүргізіледі.

2. ҰБТ тапсыру жоғарғы оқу орнына грант жеңіп алуға ниетті кез келген түлекке міндетті болып табылады. Оқушы өз кезегінде алған білімін қорыта отырып, жүзден жүйрік атануға күш салады.

Қазіргі кезде ҰБТ тек қана жоғары оқу орынына түсу үшін мемлекеттік грантты жеңіп алу конкурсына қатысу тетігі болып саналады. Бұл - әлемдік тәжірибе. Барша әлемде осындай әдіспен жоғары оқу орындарына тестілеу жүргізіліп келеді.

3. ҰБТ турасындағы барлық жүйелер жылдан жылға тұрақталып келеді. Бұл үшін бірқатар баспалдақтардан асу керек. Тест тапсыру үшін оқушылар бірнеше сатылардан өтеді. Ең әуелі, ҰБТ тапсыруға өтініш қалдыру. Жас түлек «ҰБТ-ға өтініш үлгісі» арқылы құжат толтырады. Бірқатар мәліметтер жиналған соң, толықтай сынақ орнына жіберіледі.

Компьютерлік ҰБТ-ға өтінішті Ұлттық тестілеу орталығының http://app.testcenter.kz/ сайты арқылы беруге болады. Тіркеу онлайн режимде жүргізіледі, ешқандай құжат пен фотосуреттер талап етілмейді. Абитуриент сайтқа кіріп, кез келген тестілеу пунктін, ҰБТ тапсыру күні мен өзіне ыңғайлы уақытты таңдайды. Егер бұрын талапкерлерге ҰБТ-да кітапшаның қағаз нұсқасы мен жауап парағы берілетін болса, енді үміткерлер тестілеуді компьютер арқылы тапсыратын болады.

4.  Өткен және осы жылғы оқу жылында ҰБТ-да бірқатар өзгертулер болды. Биылғы түлектер «ҰБТ 2020 тест сұрақтары» арқылы дайындық жасады. Бірнеше қайтара тестілеуден өтумен шыңдала білді. Сәйкесінше, қорытынды баллдары да көңіл қуантуы керек.

Былтырғы тест сұрақтарының біршама олқылықтары байқалғанымен, жаңа форматтың енгізілгенінен бері оң өзгерістер орын алып келеді. Оқу сауаттылығындағы көптеген жүйесіз сұрақтар жөнделіп, қосарлы пәндердің аражігі ажыратылған.

  • 44

Бос мұғалімді іздеу...