Химия 7-сынып (жаңа нұсқа)

Биылғы оқу жылынан бастап сендер жаңа пән химияны оқып, үйренесіңдер. Химия – күрделі әрі қызық ғылым. Химия эксперименттік ғылым болғандықтан, сендер бір заттан екінші жаңа затты алып, оның қасиеттерін зерттейтін қызықты химиялық тәжірибелерді өз қолдарыңмен жасауды үйренесіңдер. Ол үшін қауіпсіздік техникасы ережелерімен, химиялық экспериментті жүргізу нұсқауларымен танысасыңдар.
Сіз танысатын жаңа ұғымдар:

• Таза заттар және қоспалар;
• Атомдар. Молекулалар. Заттар;
• Химиялық реакциялар;
• Химиялық элементтердің периодтық кестесі.