Бұл курста Ұлы дала иегері атанған түркі тілдес тайпалармен және олар құрған ортағасырлық мемлекеттермен танысып, рухани әрі материалдық мәдениеттерінің сырын ашатын боласың. Сонымен қатар, әлемге әйгілі Шыңғысхан әулетінің тарихын зерделеп, ол жөніндегі көптеген деректермен танысасың. Қазақ халқының мақтанышы, Қазақ елінің негізгі қазығы болған Қазақ хандығының құрылуы туралы мәлімет алып, ұлан-ғайыр қазақ жерін қорғау үшін қасықтай қанын аямаған қазақ хандары мен батырларын білетін боласың. Ортағасырлық әдебиет пен мәдениеттің жауһарлары туралы мәлімет аласың.